@@@ ((( عاوزين كلنا نتغير ))) @@@

السلام عليكم

ازيكم ياجماعه وحشتونى


قصه جميله جدا عجبانى

وعاوزين نفكر فيها شويه وتابعونى وانا متأكد انها هتعجبكم ان شاء الله


تجربه غيرت من حياه العديد من الاشخاص


ذهب للدكتور يعانى من الاكتئاب لانه فاشل ومش لاقى وظيفه وحالته الماديه تعبانه

الدكتور قاله وصفه بلا دواء

الدكتور : لما تصحى كل يوم الصبح بعد ما تغسل وشك بص فى المرايا وابتسم
ايوه تبتسم

المريض: ده انا بابص لنفسى بقرف يا دك


الدكتور: مع ان اللى بتبصله ده اغلى انسان عندك فى الوجود وتخاف عليه اكتر من اى انسان تانى

المريض: اجرب يا دك

الدكتور: بس بشرط تكلم نفسك وتقول انت ناجح انت عظيم انت حتبقى غنى بس اتاكد الاول انك لوحدك فى الاوضه لا يقولو راح للدكتور جننه زياده

المريض: غنى ده ايه يا دك ده انا سالف تمن الفيزيته

الدكتور:حتسمع اللى باقوللك عليه وكل يوم لمده اسبوع
ولو فات منك يوم تعيد من الاول واشوفك الاسبوع الجاى

المريض : الحمد لله ان مفيش دوا لانى من الاخر معيش تمنه عاشر وظيفه اتقدملها واترفض

الدكتور: المره الجايه هتحايل عليك عشان تشغللى ابنى معاك

بعد اسبوع ..

العياده مليئه باصحاب وجيران المريض السابق
كلهم سؤال واحد
انت عملت فيه ايييييييييه؟؟؟

بقا انسان بشوش متفاءل ناجح يعمل بمرتب خيالى بوظيفه مرموقه بعد ايام من زياره عيادتك

وكانت الاجابه: كل يوم الصبح بعد ما تغسل وشك بص لنفسك فى المراياا

انا هجرب ان شاء الله