رمضان ولا ما رمضانش.. نفطر ولا ما نفطرش؟ في مصر

أبو عبد الحميد:
ينفع كده يا أم خديجة.. ينفع اللي حصل ده.. بقى راجل شايب زيي يفطر في
نهار رمضان.. على آخر الزمن، ابقى زي العيال اللي بيلعبوا في الزقاق
وبيفطروا نص اليوم ويصوموا النص التاني، أكيد الرئيس الجديد "مبارك" ما
يرضيهوش التهريج اللي بيحصل ده وهيتصرف.

أم خديجة: ليه بس كده يا أبو عبد الحميد، أنت كنت عطشان يا اخويا وما قدرتش تستنى المدفع؟

ابو عبد الحميد:
مدفع إيه بس يا ولية، اعقلي بقى، الحكاية إن دار الإفتاء قالت: النهاردة
مش رمضان، والسعودية قالت: النهاردة رمضان، وبعد ما صحيت وشربت وكلت، لقيت
دار الإفتاء المصرية أكدت رؤية السعودية إن النهاردة رمضان... ولو مش
مصدقة خدي اقرأي الجورنال.. (أم خديجة ما بتفكش الخط وأبو عبد الحميد
بيتعمد يغيظها)

أم خديجة (بترد
له الصاع صاعين): اقرأ الجورنال؟!! آه وماله.. من عيني يا خويا، بس خليني
الأول أطلع صينية البطاطس من الفرن علشان تلحق تكسر بيها صيامك اللي إنت
مبدأتوش أصلاً!

» نصائح لكل الى بيصوم في رمضان
» المحافظة على البشرة من صيام رمضان
» إزاي تحضري لعزومة رمضان؟!
» كل عام وانتم بخير رمضان كريم
» مواعيد اوريفليم خلال شهر رمضان المبارك